രാഹുൽ ഗാന്ധി നയിക്കുന്ന ഭാരത് ജോഡോ ന്യായ് യാത്ര അഞ്ചാം ദിവസത്തിലേക്ക്. നാഗാലാൻഡിലെ തുളിയിൽ നിന്നാണ് ഇന്നത്തെ യാത്ര ആരംഭിക്കുന്നത്. ഇന്ന് അസമിലേക്ക് പ്രവേശിക്കുന്ന യാത്ര 17 ജില്ലകളിൽ കൂടി കടന്ന് പോകും. 8 ദിവസമാണ് അസമിലെ യാത്ര 833 കിലോമീറ്റൻ സഞ്ചരിക്കും.
അതേസമയം, യാത്രയെ തടസപ്പെടുത്താൻ അസം സർക്കാർ ശ്രമിക്കുന്നു എന്ന് സംസ്ഥാന കോൺഗ്രസ് നേതൃത്വം നേരത്തെ ആരോപിച്ചിരുന്നു. യാത്രയുടെ ഭാഗമായി ഗ്രൗണ്ടുകൾ അനുവദിക്കുന്നില്ല എന്നായിരുന്നു ആരോപണം. എന്നാൽ അസം മുഖ്യമന്ത്രി ഹിമന്ദ ബിശ്വ ശർമ ഈ ആരോപണങ്ങൾ തള്ളിയിരുന്നു
