കാവിക്കൊടിയുമായി യുവാവ് ട്രെയിന് തടഞ്ഞു. ഇതര സംസ്ഥാന തൊഴിലാളി അറസ്റ്റില്. ബിഹാര് സ്വദേശിയായ മന്ദീപ് ഭാരതിയാണ് പിടിയിലായത്.സംഭവം നടന്നത് ഫറോക്ക് റെയില്വേ സ്റ്റേഷനിലാണ്.പരശുറാം എക്സ്പ്രസാണ് തടഞ്ഞത്.സംഭവം നടന്നത് ഫറോക്ക് റെയില്വേ സ്റ്റേഷനിലെ ഒന്നാമത്തെ പ്ലാറ്റ്ഫോമില് ഇന്ന് രാവിലെയായിരുന്നു.
മംഗളൂരു – നാഗര്കോവില് പരശുറാം എക്സ്പ്രസ് ട്രെയിനാണ് ഇയാള് തടഞ്ഞത്. പ്രതി കുറ്റിപ്പുറത്ത് ആശാരിപ്പണി ചെയ്തിരുന്നു.16,500 രൂപ ഈ വകയില് കിട്ടാനുണ്ട് ഇത് കിട്ടാത്തതിനാലുള്ള പ്രതിഷേധമാണ് ഇയാള് പ്രകടിപ്പിച്ചതെന്നാണ് റെയില്വേ അധികൃതര് നല്കുന്ന വിവരം. കൈയിലുണ്ടായിരുന്ന വടിയില് കാവിക്കൊടി ചുറ്റിയ ശേഷം ഇയാള് നിര്ത്തിയിട്ടിരുന്ന ട്രെയിനിന് മുന്പില് നില്ക്കുകയായിരുന്നു. ഇതിനാല് പത്ത് മിനിറ്റോളം ട്രെയിന് വൈകി. ആര്പിഎഫ് അന്വേഷണം ആരംഭിച്ചു.