കടുത്തുരുത്തി: 1936-ാം നമ്പർ കാരിക്കോട് തെക്കേക്കര ശിവവിലാസം എൻ എസ് എസ് കരയോഗം ഓണാഘോഷ പരിപാടിയും മുതിർന്ന മാതാപിതാക്കളെ ആദരിക്കലും നടത്തി. വൈക്കം താലൂക്ക് എൻ എസ് എസ് യൂണിയൻ പ്രസിഡൻ്റ് പി ജി എം നായർ കാരിക്കോട് ആഘോഷ പരിപാടികൾ ഉദ്ഘാടനം ചെയ്തു. കരയോഗം വൈസ് പ്രസിഡൻ്റ് ദീപു കുമാർ അധ്യക്ഷത വഹിച്ചു.
എൺപത് കഴിഞ്ഞ മാതാപിതാക്കൾക്കുള്ള ഓണക്കോടി വിതരണം കരയോഗം സെക്രട്ടറി എൻ എൻ സുദർശനൻ നായർ, നിർവ്വഹിച്ചു. വിവിധ മത്സര വിജയികൾക്കുള്ള സമ്മാനദാനം മേഖലാ പ്രസിഡൻ്റ് ഒ ടി രാമചന്ദ്രൻ നായർ നിർവ്വഹിച്ചു. രവീന്ദ്രനാഥൻ നായർ, ഡി രവികുമാർ, വേണുഗോപാൽ, സുധീഷ്, ജിജി സുരേഷ്, അരുൺ കുമാർ. കെ എ, നിധീഷ് സുദർശനൻ , സുഷമാ ജയകുമാർ, മായാദേവി എസ് എന്നിവർ പ്രസംഗിച്ചു.
