പാലക്കാട്: രാഹുൽ മാങ്കൂട്ടത്തിലിന്റെ തകർപ്പൻ വിജയത്തിനു പിന്നാലെ പ്രതികരണവുമായി ഇടതുമുന്നണി സ്ഥാനാർത്ഥി ഡോ. പി സരിൻ രംഗത്ത്. ജനാധിപത്യ, മതേതര മൂല്യങ്ങള്‍ ഉയർത്തിപ്പിടിക്കാനും പാലക്കാടിന്റെ വികസന സ്വപ്നങ്ങള്‍ യാഥാർത്ഥ്യമാക്കാനും ഇടതുപക്ഷത്തിന് വോട്ട് ചെയ്ത ഓരോ വോട്ടറോടുമുള്ള അകമഴിഞ്ഞ നന്ദി രേഖപ്പെടുത്തുകയാണെന്ന് സരിൻ ഫേസ്ബുക്കില്‍ കുറിച്ചു.
ഒരു മാസം കൊണ്ട് എന്നെ അറിയാനും നെഞ്ചോട് ചേർത്ത് പിടിക്കാനും, സ്നേഹിക്കാനും മത്സരിച്ച ഓരോ സഖാവിനോടും ഹൃദയം കൊണ്ട് നന്ദി പറയുകയാണ്, കേരളം ഭരിക്കുന്നത് ഇടത് മുന്നണിയാണ്. പാലക്കാടിന്റെ വികസനം സർക്കാരിന്റെ മുഖ്യ അജണ്ടയായി തന്നെ തുടരുമെന്നും സരിൻ പറഞ്ഞു.
