ന്യൂഡൽഹി: ഇന്ത്യയിലുടനീളമുള്ള വിമാനത്താവളങ്ങളിലെ എയർലൈൻ സംവിധാനങ്ങൾ ശനിയാഴ്ച പുലർച്ച മൂന്ന് മുതൽ സാധാരണ നിലയിൽ പ്രവർത്തിക്കാൻ ആരംഭിച്ചതായി കേന്ദ്ര വ്യോമയാന മന്ത്രാലയം അറിയിച്ചു. മൈക്രോസോഫ്റ്റ് തകരാർ വിവിധ വിമാന സർവീസുകളെ ബാധിച്ചിരുന്നു.
യാത്രാ ക്രമീകരണങ്ങളും റീഫണ്ട് നടപടികളും ശ്രദ്ധിക്കുന്നുണ്ടെന്ന് വ്യോമയാന മന്ത്രി രാം മോഹൻ റായിഡു പറഞ്ഞു. ‘പുലർച്ച മൂന്ന് മുതൽ എയർപോർട്ടുകളിലെ എയർലൈൻ സംവിധാനങ്ങൾ സാധാരണനിലയിൽ പ്രവർത്തിക്കുന്നുണ്ട്. വിമാന സർവീസുകൾ സുഗമമായാണ് നടക്കുന്നത്. ഇന്നലത്തെ തടസ്സങ്ങൾ പ്രവർത്തനത്തെ ബാധിച്ചിരുന്നു. പടിപടിയായി പ്രശ്നങ്ങൾ പരിഹരിക്കുകയാണ്. ഇന്ന് ഉച്ചയോടെ എല്ലാ പ്രശ്നങ്ങളും പരിഹിക്കുമെന്നാണ് പ്രതീക്ഷ’ -മന്ത്രി എക്സിൽ കുറിച്ചു.
