തിരുവനന്തപുരം: അമിതവേഗത്തിൽ എത്തിയ കാർ നടപ്പാതയിലേക്ക് ഇടിച്ചു കയറി അഞ്ചുപേർക്ക് പരിക്കേറ്റു .നാലുപേരുടെ നില ഗുരുതരമായി തുടരുന്നു. തിരുവനന്തപുരം ജനറൽ ആശുപത്രിയുടെ മുന്നിൽ നിർത്തിയ ഓട്ടോയിലും, കാറിലും ഇടിച്ച ശേഷമാണ് തൊട്ടടുത്തുള്ള നടപ്പാതയിലേക്ക് കാർ ഇടിച്ചു കയറിയത്. രണ്ടുപേർ ഓട്ടോ ഡ്രൈവർമാരും രണ്ടുപേർ കാൽനട യാത്രക്കാരുമാണ്. ഒരു ഓട്ടോ ഡ്രൈവർക്ക് നിസാരമായി പരിക്കേറ്റു.വട്ടിയൂർക്കാവ് സ്വദേശി വിഷ്ണുനാഥ് ആണ് വാഹനമോടിച്ചിരുന്നത്. ഇയാൾക്ക് ഡ്രൈവിംഗ് ലൈസൻസ് ഉണ്ട് .ഡ്രൈവിംഗ് പഠനത്തിനിടെയാണ് അപകടം എന്നാണ് ലഭിക്കുന്ന വിവരം .യുവാവും ബന്ധുവുമാണ് വാഹനത്തിൽ ഉണ്ടായിരുന്നത് .ഇവരെ പോലീസ് കസ്റ്റഡിയിലെടുത്തു. വൈദ്യ പരിശോധനയ്ക്ക് വിലയിരാക്കും എന്ന് പോലീസ് പറഞ്ഞു .ബ്രേക്കിനു പകരം ആക്സിലേറ്റർ ചവിട്ടിയതാണ് അപകടത്തിലേക്ക് നയിച്ചത്.
കാർ നടപ്പാതയിലേക്ക് ഇടിച്ചു കയറി ,നാലുപേരുടെ നില ഗുരുതരം, ഡ്രൈവർ കസ്റ്റഡിയിൽ
