ഒറ്റ കണ്ണിറുക്കലിലൂടെ വലിയ ഓളം സൃഷ്ടിച്ച നടിയാണ് പ്രിയ പ്രകാശ് വാര്യർ.ഇന്ന് തെന്നിന്ത്യയിലെ തന്നെ അറിയപ്പെടുന്ന താരമായി ഉയർന്നു നിൽക്കുന്ന പ്രിയ വാര്യരെ ഏറ്റെടുത്തിരിക്കുകയാണ് തമിഴകം. അജിത്ത് നായകനായി എത്തിയ ഗുഡ് ബാഡ് അഗ്ലി എന്ന ചിത്രത്തിൽ നിത്യ എന്ന കഥാപാത്രത്തെയാണ് പ്രിയ അവതരിപ്പിചിരിക്കുന്നത്. സിനിമ റിലീസ് ചെയ്തതിന് പിന്നാലെ പ്രിയയുടെ നൃത്ത രംഗം എക്സ് പ്ലാറ്റ്ഫോമിലും മറ്റ് സോഷ്യൽ മീഡിയകളിലും ട്രെന്റിങ്ങായി മാറിയിരിക്കുകയാണ്.
പ്രിയയുടെ കരിയർ ഈ സിനിമ റീ ക്രിയേറ്റ് ചെയ്തുവെന്നാണ് തമിഴ് ഫാൻസ് പറയുന്നത്. ഒപ്പം ഗുഡ് ബാഡ് അഗ്ലിയിലെ രംഗങ്ങളുടെ സ്ക്രീൻ ഷോട്ടുകളും ഇവർ പങ്കിട്ടിട്ടുണ്ട്. നടി തമന്നയുമായി താരതമ്യം ചെയ്തും കമന്റുകൾ വരുന്നുണ്ട്.
