നവകേരള സദസിന്റെ യാത്രയുടെ ഭാഗമായി മുഖ്യമന്ത്രിയും മന്ത്രിമാരും സഞ്ചരിക്കുന്ന ബസിന്റെ ആഡംബരത്തിനെതിരെ നിരവധി വിമര്‍ശനങ്ങള്‍ ആണ് ഉയര്‍ന്നത്.എന്നാല്‍ ബസിലിരിക്കുന്ന മുഖ്യമന്ത്രിയുടെയും മന്ത്രിമാരുടെയും ചിത്രങ്ങള്‍ പുറത്തു വന്നതോടെ ഈ വിമര്‍ശനങ്ങള്‍ എല്ലാം വെള്ളത്തില്‍ വരച്ച വര പോലെയായി. ഇപ്പോഴിതാ, മന്ത്രി ആര്‍ ബിന്ദു ഈ വിമര്‍ശനങ്ങള്‍ക്ക് മറുപടിയായി ഫേസ്ബുക്കില്‍ പങ്കുവെച്ച പോസ്റ്റും ശ്രദ്ധ നേടുകയാണ്.നോക്കൂ… ഇതിലെവിടെയാണ് നിങ്ങള്‍ക്ക് ആഡംബരം കാണാൻ കഴിയുന്നത്? എന്ന് തുടങ്ങുന്ന കുറിപ്പാണു ഫോട്ടോയുള്‍പ്പടെ മന്ത്രി പങ്കുവെച്ചത്. കോളേജ് വിദ്യാര്‍ത്ഥികളേയും കൊണ്ട് ടൂര്‍ പോകുന്ന വണ്ടികള്‍ ഇതിലേറെ സംവിധാനങ്ങള്‍ ഉള്ളവയാണ് എന്നാണ് മന്ത്രി കുറിച്ചത്. ഞങ്ങളുടെ ഈ യാത്ര വികസിത നവകേരളം സൃഷ്ടിക്കാനുള്ള ചരിത്രനിയോഗമാണ് എന്നും മന്ത്രി കുറിച്ചു.മന്ത്രി ആര്‍ ബിന്ദുവിന്റെ ഫേസ്ബുക് പോസ്റ്റ്
നോക്കൂ… ഇതിലെവിടെയാണ് നിങ്ങള്‍ക്ക് ആഡംബരം കാണാൻ കഴിയുന്നത്? കോളേജ് വിദ്യാര്‍ത്ഥികളേയും കൊണ്ട് ടൂര്‍ പോകുന്ന വണ്ടികള്‍ ഇതിലേറെ സംവിധാനങ്ങള്‍ ഉള്ളവയാണ്. … ഞങ്ങളുടെ ഈ യാത്ര വികസിതനവകേരളം സൃഷ്ടിക്കാനുള്ള ചരിത്രനിയോഗമാണ്. .. ഏറ്റെടുക്കുന്നു, സാഭിമാനം
