തിരുവനന്തപുരം: മുഖ്യമന്ത്രിയും മന്ത്രിമാരും സഞ്ചരിച്ച നവകേരള ബസ് ഇനി കെഎസ്ആർടിസിയുടെ ബജറ്റ് ടൂറിസം പദ്ധതിക്കായാണ് ഉപയോഗിക്കുന്നത്.
അതിന് മുന്നോടിയായി അറ്റകുറ്റപ്പണിക്കായി ബസ് ബെംഗളൂരുവിലെത്തിച്ചു.
മുഖ്യമന്ത്രിയുടെ കറങ്ങുന്ന സീറ്റ് ഇളക്കി മാറ്റി പാപ്പനംകോടുള്ള സെന്‍ട്രല്‍ വര്‍ക്സില്‍ സൂക്ഷിക്കും. ബസിന്‍റെ ചില്ലുകള്‍ മാറ്റുമെങ്കിലും ശുചിമുറി നിലനിര്‍ത്തും.രണ്ടാഴ്ചയ്ക്കുള്ളില്‍ ബസ് തിരികെ കേരളത്തിലെത്തിക്കുമെന്നും അധികൃതര്‍ വ്യക്തമാക്കി.
ഒരു കോടി അഞ്ചുലക്ഷം രൂപ ചിലവഴിച്ച് തയ്യാറാക്കിയ ബസ് ബെംഗളൂരുവിലെ എസ്.എം കണ്ണപ്പ ഓട്ടോമൊബൈല്‍സാണ് സജ്ജമാക്കിയത്. അവിടെ തന്നെയാണ് അറ്റകുറ്റപണി നടത്തുന്നതും.
നവകേരള ബസ് ഇനി ബജറ്റ് ടൂറിസത്തിന്: അറ്റകുറ്റപണിക്കായി ബസ് ബെംഗളൂരുവിൽ
