നവകേരള സദസ്സിന്റെ തുടര്‍ച്ചയായി കര്‍ഷകരും കാര്‍ഷിക- അനുബന്ധ മേഖലയിലുള്ളരുമായി മുഖ്യമന്ത്രി പിണറായി വിജയന്‍ സംവദിക്കുന്ന മുഖാമുഖം ആലപ്പുഴ ജില്ലയില്‍ ഇന്ന് നടക്കും. കാമിലോട്ട് കണ്‍വെന്‍ഷന്‍ സെന്ററില്‍ നടക്കുന്ന മുഖാമുഖം കര്‍ഷകരുടെയും കാര്‍ഷിക സാങ്കേതിക വിദഗ്ധരുടെയും സംഗമവേദിയാകും. രാവിലെ 9.30 മുതല്‍ ഉച്ചയ്ക്ക് 1.30 വരെയാണ് മുഖാമുഖം. എട്ട് മണിക്ക് രജിസ്ട്രേഷന്‍ നടപടികള്‍ ആരംഭിക്കും.
ഇതിനോടകം തന്നെ യുവാക്കളും, കലാകാരും, ദളിത് ആദിവാസി വിഭാഗത്തിലുള്ളവരുമായി മുഖാമുഖം പരിപാടി വിവിധജില്ലകളിലായി നടന്നു. എറണാകുളത്ത് നവകേരള സദസിന്റെ ഭാഗമായി സ്ത്രീകളെ അണിനിരത്തി സ്ത്രീസദസ് നടന്നു. പരിപാടികളിൽ സമൂഹത്തിന്റെ വിവിധതുറകളിലുള്ളവർ മുഖ്യമന്ത്രിയുമായി സംവാദം നടത്തി.
