കൊച്ചി: മെറ്റയുടെ കീഴിലുള്ള സാമൂഹികമാധ്യമ പ്ലാറ്റ്ഫോമുകൾ നിശ്ചലമായി. ഫേസ്ബുക്കും ഇൻസ്റ്റഗ്രാമുമാണ് ഇന്നലെ രാത്രിയിൽ നിശ്ചലമായത്. ഇന്ത്യൻ സമയം രാത്രി ഒമ്പതുമണിയോടെയാണ് സംഭവം. ഫേസ്ബുക്കിലേയും ഇൻസ്റ്റഗ്രാമിലേയും സേവനങ്ങൾ പെട്ടെന്ന് നിലച്ചതോടെ എന്താണ് സംഭവിച്ചത് എന്നറിയാതെ ഉപഭോക്താക്കൾ ആശയക്കുഴപ്പത്തിലായി. ലോഗ് ഇൻ ചെയ്യാൻ കഴിയാതാവുകയുമാണ് ഫേസ്ബുക്കിന് സംഭവിച്ച പ്രശ്നം. ഇൻസ്റ്റഗ്രാം ലോഗ് ഔട്ടായില്ലെങ്കിലും ഉള്ളടക്കങ്ങളൊന്നും കാണാനാകുന്നില്ല. പതിനായിരക്കണക്കിന് പേരാണ് ഫേസ്ബുക്കിലും ഇൻസ്റ്റഗ്രാമിലും പ്രശ്നങ്ങളുള്ളതായി റിപ്പോർട്ട് ചെയ്തിരിക്കുന്നത്.
പ്രവര്‍ത്തനരഹിതമായി ഫേയ്‌സ്ബുക്കും ഇൻസ്റ്റഗ്രാമും; മെറ്റ പ്ലാറ്റ്‌ഫോമുകള്‍ നിശ്ചലം
