കോഴിക്കോട്: വധശ്രമക്കേസിൽ അറസ്റ്റിലായ ഇൻസ്റ്റഗ്രാം റീൽസ് താരം മീശ വിനീത് റിമാൻഡിൽ. മടവൂർ സ്വദേശി സമീർ ഖാന്റെ തല അടിച്ചുപൊട്ടിച്ച കേസിലാണ് വിനീതിനെ റിമാൻഡ് ചെയ്തത്. ഒളിവിലായിരുന്ന ഇയാളെ കഴിഞ്ഞ ദിവസമാണ് പള്ളിക്കൽ പൊലീസ് അറസ്റ്റ് ചെയ്തത്.
വിനീത് ഉൾപ്പെടെ നാലു പേർ രണ്ടു ബൈക്കുകളിലെത്തി ആക്രമണം നടത്തിയെന്നായിരുന്നു പരാതി. കേസിലെ മൂന്നാം പ്രതിയാണ് വിനീത്. സംഭവത്തിൽ മറ്റു പ്രതികളെ പിടികൂടാനായിട്ടില്ല. ഒക്ടോബർ 16ന് പോങ്ങനാട് കുറിച്ചിയിൽ ഇടറോഡിൽ വച്ചാണ് സംഭവം. ആക്രമണത്തിൽ ഗുരുതരമായി പരിക്കേറ്റ സമീർ ഖാൻ ആശുപത്രിയിൽ ചികിത്സയിലാണ്. നിരവധി ക്രിമിനൽ കേസുകളിൽ പ്രതിയാണ് വിനീത്.
