സണ്ണി ലിയോണ്‍ പ്രധാന വേഷത്തിലെത്തുന്ന മലയാളം സീരീസിന്റെ ചിത്രീകരണത്തിനിടെ നടൻ ശരത് അപ്പാനിക്ക് പരുക്കേറ്റു. സംഘട്ടനരംഗം ചിത്രീകരിക്കുന്നതിനിടെയാണ് നടന് പരുക്കേറ്റത്. കാലിന് ക്ഷതമേറ്റ നടന് ഉടൻ തന്നെ വൈദ്യസഹായം നല്‍കി.
ഒരു ‘പാൻ ഇന്ത്യൻ സുന്ദരി’ എന്ന സീരീസിന്റെ ചിത്രീകരണത്തിനിടെയാണ് പരുക്കേറ്റത്. സീരിസില്‍ മാളവിക നായികയാകുമ്ബോള്‍ അപ്പാനി ശരത്ത് സീരീസില്‍ നായകനായി എത്തുന്നു. ഒരു ‘പാൻ ഇന്ത്യൻ സുന്ദരിയുടെ കഥയും സംവിധാനവും സതീഷാണ്. പ്രിൻസി ഡെന്നിയും ലെനിൻ ജോണിയും തിരക്കഥ എഴുതുന്നു.
പാൻ ഇന്ത്യൻ സുന്ദരി എച്ച്ആര് ഒടിടിയിലൂടെയാണ് റിലീസ് ചെയ്യുക. ശ്രീന പ്രതാപൻ എച്ച്ആര് പ്രൊഡക്ഷൻസിന്റെ ബാനറിലാണ് പാൻ ഇന്ത്യൻ സുന്ദരി നിര്‍മിക്കുന്നത്.
തമിഴിലും കന്നഡയിലും തെലുങ്കിലും ഹിന്ദിയിലുമായുള്ള സീരീസില്‍ മണിക്കുട്ടൻ, ജോണി ആന്റണി, ജോണ്‍ വിജയ്, ഭീമൻ രഘു, സജിത മഠത്തില്‍, കോട്ടയം രമേശ് ,അസീസ് നെടുമങ്ങാട്, ഹരീഷ് കണാരൻ, നോബി മര്‍ക്കോസ് തുടങ്ങി വലിയ താരനിര തന്നെ അണിനിരക്കുന്നുണ്ട്.
