മലപ്പുറം: മലപ്പുറം അകമ്ബാടത്ത് സഹോദരങ്ങള്‍ മുങ്ങി മരിച്ചു. ഇടിവണ്ണപുഴയില്‍ വീണാണ് അപകടം. അകമ്ബാടം ബാബു – നസീറ ദമ്ബതികളുടെ മക്കള്‍ റിന്‍ഷാദ്(14), റാഷിദ് (12) എന്നിവരാണ് മരിച്ചത്.ഇന്ന് ഉച്ചക്ക് ഒരു മണിയോടെയാണ് സംഭവം. നിലമ്ബൂര്‍ ഇടിവണ്ണയില്‍ ചാലിയാറില്‍ ആണ് കുട്ടികള്‍ മുങ്ങിമരിച്ചത്.
ഇന്ന് ഉച്ചയോടെയാണ് സുഹൃത്തുക്കള്‍ക്കൊപ്പം റിന്‍ഷാദും റാഷിദും ചാലിയാറിലെ ഇടിവണ്ണയിലെ കടവില്‍ കുളിക്കാനെത്തിയത്. ഇരുവരും നീന്തല്‍ അറിയുന്നവരാണ്. ഒരാള്‍ ചുഴിയില്‍പ്പെട്ടതോടെ രക്ഷിക്കാനായാണ് മറ്റേയാള്‍ ശ്രമിച്ചത്. എന്നാല്‍ ഇരുവരും അപകടത്തില്‍പ്പെടുകയായിരുന്നു. ക്രിക്കറ്റിലും ഫുട്‌ബോളിലും മികവ് തെളിയിച്ചിട്ടുള്ള സഹോദരങ്ങളുടെ മരണം അകമ്ബാടം ഗ്രാമത്തിന് തീരവേദാനയായി മാറി.
ഒപ്പമുണ്ടായിരുന്നവര്‍ ബഹളം വെച്ചത് കേട്ട് ഓടിക്കൂടിയ സമീപവാസികളാണ് റിന്‍ഷാദിനെയും റാഷിദിനെയും കരയിലേക്കെത്തിച്ചത്. എന്നാല്‍ അതിനിടയില്‍ ഇരുവരും മരണപ്പെട്ടിരുന്നു. മൃതദേഹം നിലമ്ബൂര്‍ സര്‍ക്കാര്‍ ജില്ലാ ആശുപത്രിയിലേക്ക് മാറ്റി. സംഭവത്തില്‍ പോലീസ് ഇന്‍ക്വസ്റ്റ് നടപടികള്‍ പൂര്‍ത്തിയാക്കി. പോസ്റ്റുമോര്‍ട്ടത്തിനുശേഷം മൃതദേഹം ബന്ധുക്കള്‍ക്ക് വിട്ടുനല്‍കും. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
