മുംബൈ: മഹാരാഷ്ട്രയില്‍ ചരക്ക് ട്രെയിൻ പാളം തെറ്റി. ബ്രേക്ക് വാൻ അടക്കം നാല് വാഗണുകളാണ് പാളം തെറ്റിയത്.പനവേല്‍-കാലംബോലി സെക്ഷനിലായിരുന്നു അപകടം.
വസായില്‍ നിന്ന് പനവേലിലേക്ക് പോവുകയായിരുന്നു ചരക്ക് ട്രെയിൻ. അപകടത്തെ തുടര്‍ന്ന് പനവേല്‍-കാലംബോലി പാതയില്‍ ട്രെയിൻ ഗതാഗതം തടസപ്പെട്ടു.
പാളം തെറ്റിയതിനെ തുടര്‍ന്ന് ഗോരഖ്പൂര്‍-പനവേല്‍ എക്സ്‌പ്രസ്, ലോക്മാന്യ തിലക്-മംഗളൂരു എക്സ്‌പ്രസ്, മുംബൈ സെൻട്രല്‍-സാവന്ത് വാഡി എക്സ്‌പ്രസ്, കൊച്ചുവേളി-ഇൻഡോര്‍ എക്സ്‌പ്രസ്, എറണാകുളം- നിസാമുദ്ദീൻ എക്സ്‌പ്രസ് എന്നീ ട്രെയിനുകളുടെ യാത്ര വൈകി.
