കോതമംഗലം : കോതമംഗലം മാർ അത്തനേഷ്യസ് (ഓട്ടോണോമസ് ) കോളേജിൽ എം. എസ് സി. ഡാറ്റ അനലിറ്റിക്സ് അസോസിയേഷന്റെ ഉദ്ഘാടനം നടന്നു.കൊച്ചി,ഐ ബി എം സോഫ്റ്റ്‌വെയർ ലാബിലെ ഡാറ്റ ആൻഡ് എ ഐ സീനിയർ സ്റ്റാറ്റിസ്റ്റിഷ്യൻ ഡോ. ബിന്ദു കൃഷ്ണൻ ഉദ്ഘാടനം നിർവഹിച്ചു. ലോകത്തിലെ എണ്ണം പറഞ്ഞ കമ്പനികൾ ഉപയോഗിക്കുന്ന പല എ ഐ, ഡാറ്റ സോഫ്റ്റ്‌വെയറുകളും കേരളത്തിൽ വികസിപ്പിച്ചെടുത്തതാണെന്നും, ഡാറ്റ അനലിറ്റിക്സ് കോഴ്സ് പഠിക്കുന്നതുമൂലം ഉയർന്ന ശമ്പളത്തിൽ ധാരാളം തൊഴിൽ അവസരങ്ങൾ ലഭിക്കുമെന്നും ഡോ. ബിന്ദു പറഞ്ഞു.വകുപ്പ് മേധാവി മെറിൻ സി കുര്യാക്കോസ് അധ്യക്ഷത വഹിച്ചു. അസോസിയേഷൻ ഇൻ ചാർജ് അനു വി ജേക്കബ്, പ്രോഗ്രാം കോർഡിനേറ്റർ ലക്ഷ്മി സുരേഷ്, അസോസിയേഷൻ സെക്രട്ടറി എ എസ് അഞ്ജന ശങ്കർ എന്നിവർ ചടങ്ങിൽ സംസാരിച്ചു.
എം. എ. കോളേജിൽ ഡാറ്റ അനലിറ്റിക്സ് അസോസിയേഷൻ ഉദ്ഘാടനം
