തിരുപ്പതിയിൽ തീർത്ഥാടനത്തിന് എത്തിയ പെൺകുഞ്ഞിനെ പുലി കടിച്ചു കൊന്നു. ആന്ധ്ര സ്വദേശി ലക്ഷിത എന്ന ആറു വയസ്സുകാരിയെയാണ് മരിച്ചത്. വെള്ളിയാഴ്ച്ച വൈകിട്ട് അലിപിരി വാക്ക് വേയിൽ ആണ് ദാരുണ സംഭവം.
അച്ഛനമ്മമാർക്കൊപ്പം നടക്കുന്നതിനിടെ കുട്ടിയെ പുലി ആക്രമിക്കുകയായിരുന്നു. ലക്ഷിതയെ രക്ഷിക്കാൻ ശ്രമിച്ചെങ്കിലും പുലി കുട്ടിയെ കടിച്ചെടുത്ത് കാട്ടിലേക്ക് കൊണ്ടുപോയി. തുടർന്ന് പൊലീസ് എത്തിയാണ് കുട്ടിയുടെ മൃതദേഹാവശിഷ്ടങ്ങൾ കണ്ടെടുത്തത്. തിരിച്ചറിയാനാവാത്ത നിലയിൽ ആയിരുന്നു കുട്ടിയുടെ മൃതദേഹം. കഴിഞ്ഞ മാസവും തിരുപ്പതിയിൽ ഒരു കുട്ടി പുലിയുടെ ആക്രമണത്തിന് ഇരയായി കൊല്ലപ്പെട്ടിരുന്നു.
