തിരുവനന്തപുരം: സംസ്ഥാനത്തെ ശ്വാസംമുട്ടിക്കുന്ന നടപടികളിൽ നിന്ന്‌ കേന്ദ്ര സർക്കാർ പിന്മാറണമെന്ന ആവശ്യവുമായി എൽ ഡി എഫ് നേതൃത്വത്തിൽ ഇന്ന് രാജ്ഭവനുമുന്നിൽ സത്യഗ്രഹം നടക്കും. പകൽ 10 മുതൽ 1 മണിവരെയാണ് സമരം നടക്കുക.
എൽ ഡി എഫ് കൺവീനർ ഇ പി ജയരാജൻ സത്യഗ്രഹം ഉദ്ഘാടനം ചെയ്യും. പന്ന്യൻ രവീന്ദ്രൻ ആണ് അധ്യക്ഷനാകുക. എൽ ഡി എഫ് സംസ്ഥാന, -ജില്ലാ നേതാക്കൾ സത്യഗ്രഹത്തിൽ പങ്കെടുക്കും.
കേരളത്തിന്റെ സമഗ്ര വികസനവും ക്ഷേമപ്രവർത്തനങ്ങളും തടസ്സപ്പെടുത്തുന്ന കേന്ദ്ര നയങ്ങൾ തിരുത്തുക, അപ്രഖ്യാപിത സാമ്പത്തിക ഉപരോധം ഏർപ്പെടുത്തി കേരളത്തെ ഞെരുക്കുന്ന നടപടികളിൽ നിന്ന്‌ കേന്ദ്രസർക്കാർ പിന്മാറുക തുടങ്ങിയ ആവശ്യങ്ങൾ ഉന്നയിച്ചാണ്‌ സത്യഗ്രഹം നടക്കുക.
