കൊച്ചി: ലോക്സഭ തെരഞ്ഞെടുപ്പില്‍ മത്സരിക്കാന്‍ ഇല്ലെന്ന് പ്രൊഫസര്‍ കെ വി തോമസ്. എറണാകുളം ലോക്സഭാ മണ്ഡലത്തില്‍ ഇടതു സ്വതന്ത്രനായി കെ വി തോമസ് എത്തുമെന്ന അഭ്യൂഹത്തിനിടെയാണ് പ്രതികരണം.
എറണാകുളം കാക്കാന്‍ ഹൈബി ഈഡന് അപ്പുറം ഒരുപേരില്ല യുഡിഎഫില്‍. കോട്ടപൊളിക്കാന്‍ കെ ജെ മാക്സി, എം അനില്‍കുമാര്‍, യേശുദാസ് പറപ്പള്ളി എന്നിവരുടെ പേരുകളാണ് ഇടതുപാളയത്തില്‍ ഉള്ളത്. സ്വതന്ത്ര – പരീക്ഷണമാണെങ്കില്‍ കെ വി തോമസുമുണ്ടായിരുന്നു. എന്നാല്‍ മത്സരിക്കാനില്ലെന്ന നിലപാട് വ്യക്തമാക്കുകയാണ് കെ വി തോമസ്.
