തിരുവനന്തപുരം: കെപിസിസിയുടെ വാര്‍ഷിക ഡയറി പുറത്തിറക്കിയതില്‍ സമ്പത്തിക അഴിമതിയെന്ന് ആരോപണം. ഇതുമായി ബന്ധപ്പെട്ട് സംഘടനാ ചുമതലയുള്ള ജനറല്‍ സെക്രട്ടറി ടി.യു.രാധാകൃഷ്ണനെതിരെയാണ് കര്‍ഷക കോണ്‍ഗ്രസ് നേതാവ് പരാതി നൽകിയത്. കർഷക കോൺഗ്രസ് മുൻ സംസ്ഥാന ജനറൽ സെക്രട്ടറി സ്മിത ഗോപിനാഥാണ് പരാതിക്കാരി. എന്നാൽ ആരോപണം വാസ്ത വിരുദ്ധമാണംന്നാണ് കെപിസിസിയുടെ നേതൃത്വത്തിൽ നിന്നുള്ള പ്രതികരണം.
സ്ഥാപനങ്ങളും വ്യക്തികളും ഉള്‍പ്പടെ 267 ഇടങ്ങളില്‍ നിന്നാണ് ഡയറി പുറത്തിറക്കാന്‍ പണം സ്വരൂപിച്ചത്. ഫണ്ട് ശേഖരണത്തിനായി പ്രത്യേക അക്കൗണ്ടും തുടങ്ങി. ഐഎന്‍ടിയുസി ഉള്‍പ്പടെ ചില സംഘടനകള്‍ പണമായി തന്നെ സംഖ്യ കൈമാറി. ഇതിനൊന്നും ഇപ്പോള്‍ കണക്കില്ലെന്നും വ്യാപകമായ അഴിമതിയാണ് ഡയറി അച്ചടിയില്‍ നടന്നതെന്നുമാണ് ആരോപണം.
