കോഴിക്കോട്: കോഴിക്കോട് എക്സൈസ് സംഘം നടത്തിയ പരിശോധനയില്‍ വന്‍ ലഹരിമരുന്നു ശേഖരം പിടികൂടി.ചാത്തമംഗലം വെള്ളിലശേരിയില്‍ കാറില്‍ കടത്തുകയായിരുന്ന 268 ഗ്രാം എംഡിഎംഎ ആണ് പിടികൂടിയത്.സംഭവത്തില്‍ യുവാവ് പിടിയിലായി. കുന്ദമംഗലം സ്വദേശി മലയില്‍ വീട്ടില്‍ ശറഫുദ്ധീനെയാണ് എക്സൈസ് സംഘം പിടികൂടിയത്.
ഇയാളുടെ കാറും എക്സൈസ് കസ്റ്റഡിയിലെടുത്തു. ബംഗളൂരുവില്‍നിന്നും വില്‍പ്പനക്കായി എത്തിച്ചതാണ് ലഹരി മരുന്ന്. ബംഗളൂരുവില്‍ നിന്നും ലഹരി മരുന്ന് എത്തിച്ച്‌ മലപ്പുറം, കോഴിക്കോട് ജില്ലയില്‍ വിതരണം ചെയ്യുന്നതാണ് ഇയാളുടെ രീതി.
