കോഴിക്കോട്: കോഴിക്കോട്ട് തൊഴിലുറപ്പ് സ്ത്രീകള്‍ക്ക് ഇടിമിന്നലേറ്റു. എടച്ചേരിയിലാണ് സംഭവം. എട്ട് സ്ത്രീകള്‍ക്ക് ഇടിമിന്നലേറ്റു.ഇവരില്‍ ഒരാള്‍ക്ക് പൊള്ളലേറ്റു.
ഇന്ന് ഉച്ചകഴിഞ്ഞ് 3.45 ഓടെയായിരുന്നു സംഭവം. എടച്ചേരി മൃഗാശുപത്രിക്ക് സമീപം തൊഴിലുറപ്പ് ജോലി ചെയ്യുന്നതിനിടെയാണ് ഇവര്‍ക്ക് ഇടിമിന്നലേറ്റത്. തളര്‍ന്നുവീണ തൊഴിലാളികളെ വിവിധ ആശുപത്രികളില്‍ പ്രവേശിപ്പിച്ചു.
ആരുടെയും പരിക്ക് ഗുരുതരമല്ലെന്ന് ഡോക്ടര്‍മാര്‍ പറഞ്ഞു. ഏഴ് പേര്‍ നാദാപുരം താലൂക്ക് ആശുപത്രിയിലാണ് ചികിത്സയിലുള്ളത്. ഒരാള്‍ വടകര ജില്ലാ ആശുപത്രിയിലാണ് ഉള്ളത്.
