കാലടി: കാലടി ശ്രീ ശങ്കര കോളേജിൽ കെഎസ്‌യു ചെയർമാൻ സ്ഥാനാർത്ഥിയുടെ നോമിനേഷൻ തള്ളിയ സംഭവത്തിൽ കോളേജിന് തിരിച്ചടി. തള്ളപ്പെട്ട ചെയർമാൻ സ്ഥാനാർത്ഥി ബോബിൻ ജോണിന്റെ നാമനിർദ്ദേശ പത്രിക ഹൈക്കോടതി അംഗീകരിച്ചു. ഇത് പ്രകാരം തെരഞ്ഞെടുപ്പിൽ കെഎസ്‌യു സ്ഥാനാർത്ഥിക്ക് മത്സരിക്കാവുന്നതാണ്. എസ്എഫ്ഐ ഇടപെടലിനെ തുടർന്നാണ് പത്രിക തള്ളിയെന്ന ആരോപണം കെഎസ്‌യു ഉന്നയിച്ചിരുന്നു. ആദ്യഘട്ടം പത്രിക സ്വീകരിക്കപ്പെടുകയും പിന്നീട് നിസ്സാരകാരണം പറഞ്ഞ് തള്ളുകയും ആയിരുന്നു. ഇത് ചോദ്യം ചെയ്ത കെഎസ്‌യു പ്രവർത്തകരെ പൊലീസ് കഴിഞ്ഞദിവസം മർദ്ദിക്കുകയും ചെയ്തിരുന്നു.
കാലടി ശ്രീ ശങ്കര കോളേജിലെ കെഎസ്‌യു നാമനിർദേശ പത്രിക തള്ളിയ സംഭവം: സ്ഥാനാർത്ഥിത്വം അംഗീകരിച്ച് ഹൈക്കോടതി
