തിരുവനന്തപുരം: കേരളത്തില്‍ ബിജെപി രണ്ടക്കം കടക്കുമെന്ന പ്രധാനമന്ത്രിയുടെ അവകാശ വാദം തള്ളി യുഡിഎഫ് സ്ഥാനാര്‍ത്ഥിയും എംപിയുമായ ശശി തരൂര്‍. ബിജെപിക്ക് എവിടെയാണ് സീറ്റ് കൂടാന്‍ പോകുന്നതെന്ന് ചോദിച്ച തരൂര്‍ ബിജെപി കേരളത്തില്‍ രണ്ടക്കം കടക്കില്ല, രണ്ട് പൂജ്യമായിരിക്കും അവര്‍ ഉദ്ദേശിക്കുന്നതെന്നും ശശി തരൂര്‍ പരിഹസിച്ചു.
ബിജെപി ഭയപ്പാടിന്റെ അവസ്ഥയിലാണ്. അതുകൊണ്ടാണ് പുറത്താക്കിയ ആളുകളെ മുന്നണിയില്‍ എത്തിക്കുന്നതെന്നും തരൂര്‍ പറഞ്ഞു. ബിജെപിക്ക് 300 സീറ്റ് പോലും കിട്ടില്ല. കേവല ഭൂരിപക്ഷം കടക്കില്ല. 2004 ആവര്‍ത്തിച്ച് ഞെട്ടിക്കുന്ന നമ്പറിലേക്ക് കോണ്‍ഗ്രസിന്റെ സീറ്റുകള്‍ വര്‍ധിക്കുമെന്നും ശശി തരൂര്‍ പറഞ്ഞു.
