തിരുവനന്തപുരം: 2023-24 വർഷത്തെ ‘കീം’ അപേക്ഷയോടൊപ്പം നൽകിയ സർട്ടിഫിക്കറ്റുകളിലെ പിഴവുകൾ തിരുത്തുന്നതിന് ജൂലൈ 13 വരെ അവസരം.
സംവരണം, മറ്റ് ആനുകൂല്യങ്ങൾ എന്നിവയ്ക്കുള്ള സർട്ടിഫിക്കറ്റുകൾ അപേക്ഷയോടൊപ്പം സമർപ്പിക്കാത്തവർക്ക് 13-ന് വൈകിട്ട് 4 വരെ അവസരം നൽകും.
വിദ്യാർഥികൾ www.cee.kerala.gov.in -ലെ കീം-2023 കാൻഡിഡേറ്റ് പോർട്ടലിൽ അവരവരുടെ അപേക്ഷ നമ്പറും പാസ്വേഡും നൽകി ലോഗിൻ ചെയ്ത് പ്രൊഫൈൽ പേജ് പരിശോധിക്കണം.
പുതുതായി സർട്ടിഫിക്കറ്റുകൾ സമർപ്പിക്കുന്നതിന് വിദ്യാർഥികളുടെ പ്രൊഫൈൽ പേജിൽ ലഭ്യമായ ‘സർട്ടിഫിക്കറ്റ് ഫോർ കാറ്റഗറി’യിലൂടെ ജൂലൈ 13-ന് വൈകിട്ട് നാലുവരെ ആവശ്യമായ സർട്ടിഫിക്കറ്റുകൾ/രേഖകൾ സമർപ്പിക്കണം.
വിശദവിവരം പ്രവേശന പരീക്ഷ കമീഷണറുടെ വെബ്സൈറ്റിലെ വിജ്ഞാപനത്തിൽ ലഭ്യമാണ്. ഹെൽപ് ലൈൻ നമ്പർ: 0471 2525300.
