കശ്മീർ: സുരക്ഷാ സേനയുമായുണ്ടായ ഏറ്റുമുട്ടലിൽ അഞ്ച് ഭീകരർ കൊല്ലപ്പെട്ടതായി പൊലീസ് അറിയിച്ചു. ഓപ്പറേഷൻ അവസാന ഘട്ടത്തിലാണെന്നും വധിച്ച ഭീകരരെ തിരിച്ചറിഞ്ഞിട്ടില്ലെന്നും പൊലീസ് വ്യക്തമാക്കി. ജമ്മു കശ്മീരിലെ കുൽഗാം ജില്ലയിൽ വച്ചാണ് സുരക്ഷാ സേന ഭീകരരുമായി ഏറ്റുമുട്ടിയത്.
ഡി.എച്ച് പോറ ഏരിയയിലെ സാംനോ മേഖലയിൽ വ്യാഴാഴ്ച ഉച്ചയോടെയാണ് ഏറ്റുമുട്ടൽ ആരംഭിച്ചത്. സൈന്യത്തിന്റെ 34 രാഷ്ട്രീയ റൈഫിൾസ്, 9 പാരാ (എലൈറ്റ് സ്‌പെഷ്യൽ ഫോഴ്സ് യൂണിറ്റ്), പൊലീസ്, സിആർപിഎഫ് എന്നിവയുടെ സംയുക്ത സംഘമാണ് ഭീകരർക്കെതിരായ ഓപ്പറേഷനിൽ പങ്കെടുക്കുന്നത്. ഇന്നലെ രാത്രിയോടെ സുരക്ഷാസേന ഭീകരരെ വളഞ്ഞിരുന്നു.
