പെരുവ : കാരിക്കോട് ശ്രീ സരസ്വതി വിദ്യാമന്ദിർ സീനിയർ സെക്കൻ്ററി സ്കൂളിലെ ശാസ്ത്രമേള കുസാറ്റ് വൈസ് ചാൻസലർ പ്രൊഫസർ ഡോ. പി .ജി ശങ്കരൻ ഉദ്ഘാടനം ചെയ്തു. സ്കൂൾ ആഡിറ്റോറിയത്തിൽ വച്ച് നടന്ന ചടങ്ങിൽ ശ്രീസരസ്വതി എഡ്യൂക്കേഷണൽ ട്രസ്റ്റ് വർക്കിംഗ് ചെയർമാൻ പി . ജി രാധാകൃഷ്ണൻ അധ്യക്ഷത വഹിച്ചു. പ്രിൻസിപ്പൽ രഞ്ജിത്ത് ആർ , മാനേജർ കെ ടി ഉണ്ണികൃഷ്ണൻ, സയൻസ് അധ്യാപകരായ കെ കെ മിനി, എം എൻ മായ എന്നിവർ പങ്കെടുത്തു. കുമാരി ഉമാശങ്കരി സ്വാഗതവും, കുമാരി അരുദ്ധതി സുരേഷ് കൃതജ്ഞതയും രേഖപ്പെടുത്തി.
സയൻസ്, സോഷ്യൽ സയൻസ്, മാത്സ്, പ്രവർത്തി പരിചയം , ഐ.ടി എന്നീ വിഷയങ്ങളിൽ വിവിധ മത്സരങ്ങൾ നടന്നു. നിത്യ ജീവിതത്തിലേക്ക് ഇറങ്ങിച്ചെല്ലുന്ന പുത്തൻ കണ്ടെത്തലുകൾ വിസ്മയവും വിജ്ഞാനവും പകരുന്നതായിരുന്നു. വിദ്യാലയത്തിലെ കെ. ജി മുതൽ പ്ലസ് ടു വരെയുള്ള എല്ലാ കുട്ടികളും ശാസ്ത്രമേളയിൽ പങ്കാളികളായി.
