ഗസ്സ സിറ്റി: ഇസ്രായേല്‍ ആക്രമണത്തില്‍ ഗസ്സയില്‍ കൊല്ലപ്പെട്ടവരുടെ എണ്ണം 2,450 ആയി. ഫലസ്തീനിയൻ ആരോഗ്യ മന്ത്രാലയമാണ് ഇക്കാര്യം അറിയിച്ചത്.9,200 പേര്‍ക്കാണ് ആക്രമണത്തില്‍ പരിക്കേറ്റത്.
അതേസമയം, ഹമാസിന്‍റെ ആക്രമണത്തില്‍ ഇസ്രായേലില്‍ 1,400 പേര്‍ കൊല്ലപ്പെട്ടെന്ന് ഇസ്രായേല്‍ പ്രധാനമന്ത്രിയുടെ ഓഫീസ് അറിയിച്ചു.
ഫലസ്തീനെ സ്വതന്ത്രമാക്കുക എന്ന മുദ്രാവാക്യത്തോടെ ലോകത്തിന്‍റെ വിവിധ ഭാഗങ്ങളില്‍ പതിനായിരക്കണക്കിന് ആളുകള്‍ ഒത്തുകൂടി. അമേരിക്കയിലെ വൈറ്റ്ഹൗസിലേക്ക് പ്രതിഷേധ മാര്‍ച്ച്‌ നടത്തി. ലണ്ടനിലും സ്കോട്ട്ലൻഡിലെ എഡിൻബര്‍ഗിലും ഗ്ലാസ്ഗോയിലും റാലികള്‍ നടന്നു. ഹമാസിന് പിന്തുണ നല്‍കുന്നവര്‍ക്ക് അറസ്റ്റ് നേരിടേണ്ടിവരുമെന്ന പൊലീസ് മുന്നറിയിപ്പ് അവഗണിച്ചായിരുന്നു പലയിടങ്ങളിലും റാലികള്‍.
