അഹമ്മദാബാദ്: ഏകദിന ലോകകപ്പില് വീണ്ടും പാകിസ്താനെ തകര്ത്ത് ഇന്ത്യയ്ക്ക് മിന്നും ജയം. അഹമ്മദാബാദ്, നരേന്ദ്ര മോദി സ്റ്റേഡിയത്തില് ഏഴ് വിക്കറ്റിനായിരുന്നു ഇന്ത്യയുടെ ജയം. ടോസ് നഷ്ടപ്പെട്ട് ബാറ്റിംഗിനെത്തിയ പാകിസ്ഥാന് 42.5 ഓവറില് എല്ലാവരും പുറത്തായപ്പോൾ ആകെ നേടിയത് 191 റണ്സ്. മറുപടി ബാറ്റിംഗില് ഇന്ത്യ 30.3 ഓവറില് മൂന്ന് വിക്കറ്റ് മാത്രം നഷ്ടത്തില് ലക്ഷ്യം മറികടന്നു.
86 റണ്സ് നായകൻ രോഹിത് ശര്മയാണ് ഇന്ത്യയുടെ വിജയ ശില്പി.ഇത് എട്ടാം തവണയാണ് ഇന്ത്യ ഏകദിന ലോകകപ്പില് പാകിസ്ഥാനെ തോല്പ്പിക്കുന്നത്. മൂന്നാം ഓവറില് ശുഭ്മാന് ഗില്ലിന്റെ (16) വിക്കറ്റ് ഇന്ത്യക്ക് നഷ്ടമായിരുന്നു. പിന്നാലെ എത്തിയ വിരാട് കോലി (16). കോലി പെട്ടന്ന് മടങ്ങിയെങ്കിലും രോഹിത്തിനൊപ്പം 56 റണ്സ് അടിച്ചെടുത്തു. ഹസന് അലിയുടെ പന്തില് മുഹമ്മദ് നവാസിന് ക്യാച്ച് നല്കിയാണ് കോലി മടങ്ങിയത്. തുടര്ന്ന് ശ്രേയസിനൊപ്പം 77 റണ്സ് ചേര്ത്ത് രോഹിത്തും മടങ്ങി. ഷഹീന് അഫ്രീദിയുടെ പന്തില് ഇഫ്തിഖര് അഹമ്മദിനാണ് രോഹിത് ക്യാച്ച് നല്കിയത്. 63 പന്തുകല് നേരിട്ട രോഹിത് ആറ് വീതം സിക്സും ഫോറും നേടിയിരുന്നു. വൈകാതെ കെ എല് രാഹുലിനെ (19) കൂട്ടുപിടിച്ച് ശ്രേയസ് (53) ടീമിനെ വിജയത്തിലേക്ക് നയിച്ചു.
നേരത്തെ, രണ്ട് വിക്കറ്റ് വീതം നേടിയ ജസ്പ്രിത് ബുമ്ര, കുല്ദീപ് യാദവ്, രവീന്ദ്ര ജഡേജ, ഹാര്ദിക് പാണ്ഡ്യ, മുഹമമദ് സിറാജ് എന്നിവരാണ് പാകിസ്ഥാനെ തകര്ത്തത്.