ഡൽഹി:ഇസ്രയേൽ- ഹമാസ് യുദ്ധം രൂക്ഷമായ സാഹചര്യത്തിൽ ഡൽഹിയിൽ കനത്ത ജാഗ്രത. പലസ്തീൻ അനുകൂല പ്രതിഷേധങ്ങൾക്കുള്ള സാധ്യതയുള്ളതിനാലാണ് ജാഗ്രത നിർദേശം. ഇസ്രായേൽ എംബസിക്ക് മുന്നിലും ജൂത ആരാധനാലയങ്ങൾക്കും സുരക്ഷ വർധിപ്പിച്ചു.
ജൂതരുടെ താമസസ്ഥലങ്ങൾക്ക് സുരക്ഷ ഒരുക്കാൻ സംസ്ഥാനങ്ങൾക്ക് നിർദേശമുണ്ട്. അനിഷ്ടസംഭവങ്ങൾ ഉണ്ടാകാതെയിരിക്കാൻ നടപടികൾ സ്വീകരിച്ചെന്ന് ഡൽഹി പൊലീസ് അറിയിച്ചു. അതേസമയം ഗാസയിലെ ഇസ്രയേല് ആക്രമണത്തില് 13 ബന്ദികള് കൊല്ലപ്പെട്ടെന്ന് ഹമാസ് അറിയിച്ചു. കൊല്ലപ്പെട്ടവരില് ഇസ്രയേല് പൗരന്മാരും വിദേശ പൗരന്മാരും ഉള്പ്പെടും.നൂറ്റി അന്പതോളം പേരെയാണ് ഹമാസ് ബന്ദികളാക്കിയത്.