രാജ്യത്തെ ആദ്യ സമ്പൂർണ ഹോൾമാർക്കിംഗ് സംസ്ഥാനമെന്ന പദവി സ്വന്തമാക്കി കേരളം

രാജ്യത്തെ ആദ്യ സമ്പൂർണ ഹോൾമാർക്കിംഗ് സംസ്ഥാനമെന്ന പദവി സ്വന്തമാക്കി കേരളം. സ്വർണാഭരണങ്ങളുടെ പരിശുദ്ധി ഉറപ്പാക്കുന്ന പുതിയ മാനദണ്ഡമായ എച്ച്.യു.ഐ.ഡി നടപ്പാക്കിയിട്ട് രണ്ടര വർഷം പിന്നിടുമ്പോൾ കേരളത്തിൽ ഇതിനോടകം 6,000 ജ്വല്ലറികളാണ് ലൈസൻസ് നേടിയിരിക്കുന്നത്. കഴിഞ്ഞ ഒക്ടോബറിൽ കോഴിക്കോടും ഇടുക്കിയിലും ഹോൾമാർക്കിംഗ് സെന്റർ തുറന്നിരുന്നു. ഹോൾമാർക്കിംഗ് സെന്ററുകളിൽ നിന്നും പ്രതിദിനം 4 ലക്ഷത്തോളം ആഭരണങ്ങളിലാണ് എച്ച്.യു.ഐ.ഡി മുദ്ര പതിപ്പിക്കുന്നത്.