ഗ്രാമിയിൽ ഇന്ത്യൻ തിളക്കം; ശങ്കർ മഹാദേവന്റെയും സക്കീർ ഹുസൈന്റെയും ആൽബത്തിന് പുരസ്കാരം

കാലിഫോർണിയ: ലോക സംഗീത രംഗത്തെ ഏറ്റവും ജനപ്രിയ പുരസ്കാരമായ ഗ്രാമി പ്രഖ്യാപിച്ചപ്പോൾ ഇക്കുറി ഇന്ത്യൻ തിളക്കം. ശങ്കർ മഹാദേവനും സക്കീർ ഹുസൈനും നയിക്കുന്ന ശക്തി ബാൻഡിന് ഗ്രാമി പുരസ്‌കാരം. മികച്ച ഗ്ലോബൽ മ്യൂസിക് ആൽബത്തിനുള്ള പുരസ്കാരമാണ് ശക്തി ബാൻഡിന്റെ ദിസ് മൊമന്റ്റ് എന്ന ആൽബത്തിന് ലഭിച്ചത്.
66-ാമത് ഗ്രാമി അവാർഡ് പ്രഖ്യാപനം ലൊസാഞ്ചൽസിലാണ് നടക്കുന്നത്. മികച്ച പോപ്പ് ഗാനം ടെയ്ലർ സ്വിഫ്റ്റിന്റെ മിഡ് നൈറ്റ്സ് ആണ്. ഓടക്കുഴൽ വിദ്വാൻ രാകേഷ് രസ്യക്കും പുരസ്‌കാരമുണ്ട്. വിർചോസോ ഓടക്കുഴൽ വിദ്വാനായ രാകേഷ് ചൗരസ്യയുടെ രണ്ടാമത്തെ ഗ്രാമി നേട്ടമാണിത്.2022 ഒക്ടോബർ 1 മുതൽ 2023 സെപ്‌തംബർ 15 വരെയുള്ള കാലയളവിലുള്ള പാട്ടുകളാണ് വിവിധ കാറ്റഗറികളിലായി മത്സരിച്ചത്. സോളോ പോപ്പ് പെർഫോമൻസിനുള്ള പുരസ്ക‌ാരം മിലി സൈറസ് സ്വന്തമാക്കി.