ആഷസ് പരമ്പരയിലെ ആദ്യ ടെസ്റ്റിൽ ഓസിസിന് വിജയം. രണ്ടാം ഇന്നിംഗ്സിൽ ഇംഗ്ലണ്ട് മുന്നോട്ടുവെച്ച 281 റണ്‍സ് വിജയലക്ഷ്യം രണ്ട് വിക്കറ്റ് ബാക്കി നിൽക്കേ ഓസ്ട്രലിയ മറികടന്നു. ആഷസ് ചരിത്രത്തില്‍ തന്നെ പിന്തുടര്‍ന്ന് ജയിക്കുന്ന ഉയര്‍ന്ന നാലാമത്തെ സ്കോറാണിത്.
281 വിജയലക്ഷ്യവുമായി അഞ്ചാം ദിനം 4 വിക്കറ്റിന് 107 റൺസ് എന്ന നിലയിലാണ് ഓസിസ് കളി ആരംഭിച്ചത്. അഞ്ചാം ദിനം മഴകാരണം കളി തുടങ്ങാൻ വൈകിയെങ്കിലും ഒടുവിൽ 8 വിക്കറ്റ് നഷ്ടത്തിൽ 282 റൺസ് നേടി വിജയലക്ഷ്യം മറികടക്കുകയായിരുന്നു.197 പന്തിൽ 65 റൺസ് നേടിയ ഉസ്മാൻ ഖവാജയാണ് ഓസിസ് ഇന്നിംഗ്സിലെ ടോപ്പ് സ്കോറർ.
പാറ്റ് കമ്മിൻസ് 73 പന്തിൽ പുറത്താവാതെ 44 റൺസ് നേടിയതും ഓസിസ് വിജയത്തിൽ നിർണായകമായി. 3 വിക്കറ്റ് റീഴ്ത്തിയ സ്റ്റുവർട്ട് ബോർഡും രണ്ട് വിക്കറ്റ് വീഴ്ത്തിയ ഒല്ലി റോബിൻസനുമാണ് ഇംഗ്ലീഷ് ബോളിംഗ് നിരയിൽ മികച്ചു നിന്നത്.
