പാമ്പാടി: പ്രായപൂർത്തിയാകാത്ത കുട്ടിയെ കൊലപ്പെടുത്താൻ ശ്രമിച്ച കേസില്‍ പിതാവിനെ പൊലീസ് അറസ്റ്റ് ചെയ്തു. പാമ്ബാടി കോത്തല ചിറ ഭാഗത്ത് അറക്കല്‍ ജോസിലി ഡെയ്ല്‍ വീട്ടില്‍ തനുനസീറിനെയാണ് (36) പാമ്ബാടി പൊലീസ് അറസ്റ്റ് ചെയ്തത്.ഇയാള്‍ വീട്ടില്‍ വച്ച്‌ പ്രായപൂർത്തിയാകാത്ത തന്റെ കുട്ടിയെ ഉപദ്രവിച്ച്‌ കൊലപ്പെടുത്താൻ ശ്രമിക്കുകയായിരുന്നുവെന്നാണ് പരാതി.
കഴിഞ്ഞദിവസം കുടുംബപരമായ പ്രശ്നത്തെ തുടർന്ന് ഇയാള്‍ തന്റെ ഭാര്യയെയും പ്രായപൂർത്തിയാകാത്ത മൂത്തകുട്ടിയെയും ഉപദ്രവിച്ചിരുന്നു. ഈ സമയം ഇവരുടെ നിലവിളി കേട്ട് ഉറങ്ങുകയായിരുന്ന ഒരു വയസ്സുള്ള ഇളയ കുട്ടി ഉറക്കമുണർന്ന് നിനിലവിളിച്ചു. തുടർന്ന് ഇയാള്‍ ഈ കുട്ടിയെ എടുത്തു പൊക്കി തറയില്‍ എറിയാനും, മുഖത്ത് ഇടിക്കാനും ശ്രമിക്കുന്നതിനിടയില്‍ കുട്ടിയുടെ മാതാവ് തടയുകയായിരുന്നുവെന്ന് പരാതിയില്‍ പറയുന്നു.
പരാതിയെ തുടർന്ന് പാമ്ബാടി പൊലീസ് ഇയാളെ പിടികൂടുകയുമായിരുന്നു.
