യൂത്ത് കോണ്‍ഗ്രസ് തിരഞ്ഞെടുപ്പില്‍ വ്യജ ഐഡി കാര്‍ഡ് ഉപയോഗിച്ചു എന്ന വിഷയത്തില്‍ കെപിസിസിക്ക് പരാതി ലഭിച്ചുവെന്നും പരാതിയില്‍ അന്വേഷണം നടത്തുമെന്നും കെപിസിസി പ്രസിഡന്റ് കെ സുധാകരന്‍ പറഞ്ഞു. മുന്‍വിധിയോടെ കെപിസിസി വിഷയത്തെ സമീപിക്കില്ല എന്നും അന്വേഷണത്തിന് ഒരു സംഘത്തെ നിയോഗിക്കുമെന്നും സുധാകരന്‍ അറിയിച്ചു. അന്വേഷണത്തിനു ശേഷം ആരോപണത്തില്‍ വസ്തുതയുണ്ട് എന്നു തെളിഞ്ഞാല്‍ നടപടി എടുക്കുമെന്നും സുധാകരന്‍ പറഞ്ഞു.
രാഹുല്‍ മാങ്കൂട്ടത്തിലുമായി സംസാരിച്ചു. അദ്ദേഹം നിരപരാധിയാണെന്നാണ് പറഞ്ഞത്. ഇപ്പോള്‍ ഞാനത് വിശ്വസിക്കുന്നു. രാഹുലിന്റെ ഭാഗത്തു നിന്ന് ഇത്തരത്തിലൊരു അവിവേകം ഉണ്ടാകുമെന്ന് കരുതുന്നില്ല. അന്വേഷണത്തിന് ശേഷം തെറ്റ് സംഭവിച്ചു എന്നു തെളിഞ്ഞാല്‍ നടപടി ഉണ്ടാകുമെന്നും സുധാകരന്‍ പറഞ്ഞു.
