കാണക്കാരി: ഏറ്റുമാനൂർ എറണാകുളം റോഡിൽ കാണക്കാരി ഗ്രാമീൺ ബാങ്കിന് സമീപം അമിത വേഗതയിൽ മറ്റ് വാഹനങ്ങളെ ഓവർ ടേക്ക് ചെയ്യുന്നതിനിടെ നിയന്ത്രണം വിട്ട സ്വകാര്യബസ് കാറിൽ ഇടിച്ച് കാർ യാത്രക്കാരായ ഒരു കുടുംബത്തിലെ നാല് പപേർക്ക് പരിക്കേറ്റു. മാഞ്ഞൂർ കുഴിക്കാട്ടിൽ രാജീവ് കെ.എസ് (44) ധന്യ (42) അതുൽ (14) അദ്വയ്ദ് രാജ് (7) എന്നീ വർക്കാണ് പരിക്കേറ്റത്. വൈകുന്നേരം 6.45 ഓടെ ആയിരുന്നു അപകടം അമിത വേഗത്തിൽ മറ്റ് വാഹനങ്ങളെ മറികടന്ന് ബസ് വരുന്നതുകണ്ട കാർഡ്രൈവർ കാർ റോഡിന്റെ വശത്തെ മതിലിനോട് ചേർത്ത് നീർത്തി എങ്കിലും ബസ് റോഗ് സമിഡിൽ കയറി ഇടിക്കുക ആയിരുന്നു. അപകടത്തെ തുടർന്ന് ബസ് ഡ്രൈവർ ഓടി രക്ഷപെട്ടു. ഓടിക്കൂടിയ നാട്ടുകാർ ചേർന്ന് പരിക്കേറ്റവരെ കാരിത്താസ് ആശുപത്രിയിൽ പ്രവേശിപ്പിച്ചു.
ഏറ്റുമാനൂർ എറണാകുളം റോഡിൽ കാണക്കാരിയിൽ കാറും ബസും കൂട്ടിയിടിച്ച് നാല് പേർക്ക് പരിക്ക്
