തിരുവനന്തപുരം: വിഴിഞ്ഞം കേരളത്തിൻറെ സമഗ്ര വികസനത്തിന് സഹായകരമായ പദ്ധതിയെന്ന് ഇ പി ജയരാജൻ. പദ്ധതി പൂർത്തിയാകുന്നതോടെ വൻ തൊഴിൽ പുരോഗതി ഉണ്ടാകും. പദ്ധതി ഉദ്ഘാടനത്തിന്റെ സന്തോഷത്തിൽ എല്ലാവരും പങ്കാളികൾ ആകണം. മിഠായി വിതരണം ചെയ്തും പടക്കം പൊട്ടിച്ചും എല്ലാം സന്തോഷത്തിൽ പങ്കാളികളാകണം. വിഴിഞ്ഞം പിണറായി സർക്കാരിന്റെ ലക്ഷ്യ പ്രാപ്തിയുടെ വിജയം കൂടിയാണ്.
ഒരാളും ഇതിൽ നിന്ന് മാറി നിൽക്കേണ്ട കാര്യമില്ലെന്നും വിഴിഞ്ഞം പദ്ധതി എല്ലാവരുടേതുമാണെന്നും ഇ പി ജയരാജൻ പറഞ്ഞു. കേരളത്തിന്റെ സ്വപ്ന പദ്ധതിയാണ് വിഴിഞ്ഞം. കേരളീയം പരിപാടിയും മഹോത്സവം ആക്കി മാറ്റണം. മുഖ്യമന്ത്രിയുടെയും മന്ത്രിമാരുടെയും നവകേരള സദസിനോടും എല്ലാവർക്കും സഹകരിക്കാം. വിഴിഞ്ഞം തുറമുഖത്തിന് ഉമ്മൻ ചാണ്ടിയുടെ പേരിടണമെന്ന് ചിലർ പറയുന്നു. കെ കരുണാകരന്റെ പേര് വേണമന്ന് മറ്റ് ചിലർ പറയുന്നു. പേര് ഇടുന്ന ഘട്ടത്തിൽ അതൊക്കെ ആലോചിച്ചാൽ പേരെയെന്നും ഇപി ചോദിച്ചു.
