തിരുവനന്തപുരം: ഇലക്ട്രിക്ക് ബസുകളില്‍ 10 രൂപ ടിക്കറ്റ് തുടരില്ലെന്ന അറിയിപ്പുമായി ഗതാഗതമന്ത്രി കെ.ബി ഗണേഷ് കുമാര്‍. ജനങ്ങളുടെ ആവശ്യപ്രകാരമല്ല ടിക്കറ്റിന് 10 രൂപയാക്കിയതെന്നും അദ്ദേഹം ചൂണ്ടിക്കാട്ടി. സര്‍ക്കാരിന് നഷ്ടം വരുന്ന ഒരു പരിപാടിയും ചെയ്യില്ല. വന്ദേ ഭാരതില്‍ കുറഞ്ഞ ടിക്കറ്റില്‍ അല്ലല്ലോ യാത്രയെന്ന് മന്ത്രി കുറ്റപ്പെടുത്തി.കെഎസ്ആര്‍ടിസിയെ രക്ഷിക്കാന്‍ ചിലവ് കുറക്കുകയല്ലാതെ മറ്റ് വഴികളില്ലെന്ന് വ്യക്തമാക്കിയാണ് മന്ത്രി പരിഷ്‌കാരങ്ങള്‍ പ്രഖ്യാപിച്ചത്. കെഎസ്ആര്‍ടിസിക്ക് വലിയ ബാധ്യതയായ ഇലക്ട്രിക്ക് ബസുകള്‍ ഇനി വാങ്ങില്ല. ഒരു ഇലക്ട്രിക്ക് ബസ് വാങ്ങുന്ന തുകയ്ക്ക് നാല് ബസ് വാങ്ങാനാകും.
ഇലക്ട്രിക്ക് ബസുകളില്‍ 10 രൂപ ടിക്കറ്റ് തുടരില്ലെന്ന അറിയിപ്പുമായി ഗതാഗതമന്ത്രി
