തദ്ദേശ തിരഞ്ഞെടുപ്പ് സംവരണം; വനിതാ ജനപ്രതിനിധികൾ പതിനായിരം കടക്കും

തിരുവനന്തപുരം: 2025ൽ നടക്കുന്ന തദ്ദേശ തിരഞ്ഞെടുപ്പിൽ സംസ്ഥാനത്തെ ത്രിതല പഞ്ചായത്തുകളിലെ വനിതാ സംവരണ ജനപ്രതിനിധികളുടെ എണ്ണം പതിനായിരം കവിയും. 2020ലെ തദ്ദേശ തിരഞ്ഞെടുപ്പിൽ 9531 വനിതകളാണ് സംവരണ സീറ്റുകൾ വഴി പ്രതിനിധികളായത്. ഇത്തവണ ഗ്രാമപഞ്ചായത്തുകളില്‍ 8852, ബ്ലോക്ക് പഞ്ചായത്തുകളിൽ 1152, ജില്ലാ പഞ്ചായത്തുകളിൽ 177 എന്നിങ്ങനെയാണ് വനിതകൾക്ക് ആകെ സംവരണം ചെയ്തിരിക്കുന്നത്.