കോട്ടയം: സൈബര് ആക്രമണത്തിനെതിരെ പുതുപ്പള്ളി സ്ഥാനാർഥി ജെയ്ക് സി തോമസിന്റ ഭാര്യ ഗീതു തോമസ് നല്കിയ പരാതിയില് മണര്കാട് പൊലീസ് കേസെടുത്തു. സ്ത്രീകളുടെ അന്തസ് കെടുത്തുന്ന പ്രവൃത്തികള്ക്കെതിരെ ഐപിസി 509 വകുപ്പ് പ്രകാരവും കേരള പൊലീസ് ആക്ടിലെ 119 വകുപ്പ് പ്രകാരവും സമൂഹ മാധ്യങ്ങളിലൂടെ സ്ത്രീകളെ അപമാനിക്കുന്നതിനെതിരെ കേരള പൊലീസ് ആക്ടിലെ 120 വകുപ്പ് പ്രകാരവുമാണ് എഫ്ഐആര് രജിസ്റ്റര് ചെയ്ത് കേസെടുത്തിരിക്കുന്നത്. സിഐ സി ആര് സന്തോഷിന്റെ നേതൃത്വത്തിലാണ് അന്വേഷണം നടത്തുക.
പൂര്ണ ഗര്ഭിണിയായ തനിക്കെതിരെ തുടരുന്ന സൈബര് ആക്രമണം കടുത്ത മാനസിക പ്രയാസമുണ്ടാക്കി എന്ന് കാണിച്ച് കഴിഞ്ഞ ശനിയാഴ്ച ഗീതു ജില്ല പൊലീസ് മേധാവിക്ക് പരാതി നല്കിരുന്നു. ഗീതു ജെയ്കിനായി വോട്ട് ചോദിക്കുന്നതിന്റെ വിഡിയോ എഡിറ്റ് ചെയ്ത് വ്യാപകമായി പ്രചരിപ്പിച്ചിരുന്നു.