കണ്ണൂരിൽ മൂന്ന് സി.പി.എം. പ്രവർത്തകർക്ക് വെട്ടേറ്റു

കണ്ണൂർ: മട്ടന്നൂരിൽ മൂന്ന് സി.പി.എം. പ്രവർത്തകർക്ക് വെട്ടേറ്റു. സുനോബ്, റിജിൻ, ലതീഷ് എന്നിവർക്കാണ് വെട്ടേറ്റത്.
ഇന്നലെ രാത്രി പത്തിന് മട്ടന്നൂർ അയ്യല്ലൂരിലാണ് സംഭവം.ബസ് സ്റ്റോപ്പിൽ ഇരിക്കുമ്പോഴാണ് മൂന്നുപേർക്കും നേരെ ആക്രമണമുണ്ടായത്. പരിക്കേറ്റവരെ കണ്ണൂരിലെ സഹകരണ ആശുപത്രിയിൽ പ്രവേശിപ്പിച്ചു. പ്രദേശത്ത് തർക്കങ്ങൾ നിലനിന്നിരുന്നു എന്നാണ് വിവരം. അക്രമത്തിന് പിന്നിൽ ആർ.എസ്.എസ്. ആണെന്ന് സി.പി.എം. ആരോപിച്ചു. മട്ടന്നൂർ പോലീസ് അന്വേഷണം ആരംഭിച്ചു.