സത്യനാഥന്റെ കൊലപാതകം; പുറമെ നിന്നുള്ള സഹായമുണ്ടോയെന്ന് അന്വേഷിക്കും

Breaking Kerala

കോഴിക്കോട്: സത്യനാഥന്റെ കൊലപാതകത്തിൽ പ്രതിയെ പോലീസ് കസ്റ്റഡിയില്‍ വാങ്ങും. പുറമെ നിന്നുള്ള സഹായമുണ്ടോയെന്നും അന്വേഷണം നടത്തും.
കൊലപാതകത്തിന് ഉപയോഗിച്ച കത്തി സംഭവ സ്ഥലത്തുവച്ച്‌ അന്വേഷണ സംഘം കണ്ടെത്തിയിരുന്നു. കുറ്റകൃത്യത്തില്‍ മറ്റാരുടെയെങ്കിലും സഹായം ഉണ്ടായിരുന്നോ എന്നും പൊലീസ് അന്വേഷിക്കുന്നുണ്ട്.
വ്യാഴാഴ്ച രാത്രി ക്ഷേത്ര ഉത്സവത്തിനിടെ വ്യക്തി വൈരാഗ്യം കാരണം അഭിലാഷ് സത്യനാഥിനെ വെട്ടിക്കൊലപ്പെടുത്തിയെന്നാണ് കേസ്.
അതേസമയം 2015ലാണ് അഭിലാഷിനെ പാര്‍ട്ടിയില്‍ നിന്നും പുറത്താക്കിയത്.കൊയിലാണ്ടി പെരുവട്ടൂര്‍ ചെറിയപുറം ക്ഷേത്ര ഉത്സവത്തിന്റെ ഭാഗമായി ഗാനമേള നടക്കുന്നതിനിടെയാണ് കൊലപാതകം നടന്നത്. സത്യനാഥനെ കൊയിലാണ്ടി താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

Leave a Reply

Your email address will not be published. Required fields are marked *