കൊച്ചി: വിദേശരാജ്യങ്ങളിൽ വിവിധ മേഖലകളിൽ നമ്മുടെ നാടിന് അഭിമാനമായി മാറുന്നവർ ഏറെയാണ്. അത്തരത്തിൽ യൂറോപ്യൻ രാജ്യങ്ങളിൽ തിളങ്ങിനിൽക്കുന്ന ഒരു സംഘത്തെ പരിചയപ്പെടാം. ക്രിക്കറ്റിൽ വിവിധ യൂറോപ്യൻ രാജ്യങ്ങളുമായി ഏറ്റുമുട്ടുന്ന ഒരു സംഘം മലയാളികൾ ഉണ്ട്. ക്രൊയേഷ്യയിൽ നടന്ന യൂറോപ്യൻ ക്രിക്കറ്റ് ലീഗിൽ മികച്ച വിജയം നേടിയ ടീം തുടർ മത്സരങ്ങളെ കാത്തിരിക്കുകയാണ്. ഇനി ഇവരെ കാത്തിരിക്കുന്നത് ഇന്റർനാഷണൽ യൂറോപ്യൻ ചാമ്പ്യൻഷിപ്പാണ്. ഈ ചാമ്പ്യൻഷിപ്പിൽ വിജയം നേടിയാൽ വിവിധ രാഷ്ട്രങ്ങളുടെ ടീമിനുവേണ്ടി മത്സരിക്കുവാൻ കഴിയും. ടീമിനെ നയിക്കുന്നവരിൽ പ്രധാനികളായ നാല് പേരാണ് മലയാളികൾ. അമൽ കൃഷ്ണ, ഹരി, നൈജിൽ, അരുൺ എന്നിവരാണ് ടീമിലെ മലയാളി സാന്നിധ്യം.
ക്രിക്കറ്റിൽ ക്രൊയേഷ്യയിൽ തിളങ്ങി മലയാളി സംഘം
