ആലപ്പുഴ: വളരെ ചുരുങ്ങിയ കാലം കൊണ്ട് തന്നെ മാധ്യമ മേഖലയിൽ ജനശ്രദ്ധ പിടിച്ചുപറ്റിയ സിറ്റി വോയിസ് വീക്കിലി ന്യൂസ് പേപ്പർ , സിറ്റി വോയിസ് ഓൺലൈൻ എന്നിവയുടെ പ്രവർത്തനങ്ങൾക്ക് ആലപ്പുഴ ജില്ലയിൽ തുടക്കമായി. സിറ്റി വോയ്സിന്റെ ആലപ്പുഴ ജില്ല ബ്യൂറോ ഓഫീസ് അരൂർ എംഎൽഎ ദലീമ ജോജോ ഉദ്ഘാടനം ചെയ്തു. ഒറ്റപ്പുന്നയിലെ തിരുനല്ലൂർ സർവീസ് സഹകരണ ബാങ്ക് ഹാളിൽ നടന്ന ഉദ്ഘാടന യോഗത്തിൽ സിറ്റി വോയ്സ് മാനേജിംഗ് എഡിറ്റർ ജോസി തുമ്പാനത്ത് അധ്യക്ഷത വഹിച്ചു.
അരൂർ എം എൽ എ ദലീമ ജോജോ ഉദ്ഘാടനം ചെയ്ത സമ്മേളനത്തിൽ കേരള സാഹിത്യ അക്കാദമിയുടെ സമഗ്ര സംഭാവനയ്ക്കുള്ള പുരസ്കാരം നേടിയ പള്ളിപ്പുറം മുരളി സാറിനെ ആദരിച്ചു. തൈക്കാട്ടുശ്ശേരി ബ്ലോക്ക് പഞ്ചായത്ത് പ്രസിഡന്റ് പി എം പ്രമോദ്, ചേന്നം പള്ളിപ്പുറം ഗ്രാമപഞ്ചായത്ത് പ്രസിഡന്റ് ടി എസ് സുധീഷ്,പഞ്ചായത്ത് അംഗങ്ങളായ കെ കെ ഷിജി,രമാ വിശ്വനാഥൻ, പ്രവാസി ഭാരതി ട്രസ്റ്റ് പ്രസിഡന്റ് പി കെ ജയകുമാർ തുടങ്ങിയവർ പ്രസംഗിച്ചു. സിറ്റി വോയ്സ് മാനേജിംഗ് ഡയറക്ടർ ലേഖാ പ്രമോദ് സ്വാഗതവും ഡിസ്ട്രിക്റ്റ്‌ ഇൻ ചാർജ് രജീഷ് കുമാർ പി.ജി. നന്ദിയും പറഞ്ഞു.
എം എൽ എ ദലീമ ജോജോ രചിച്ച് അവതരിപ്പിച്ച കവിത സദസ്സിന് ആസ്വാദ്യത പകർന്നു. റിപ്പോർട്ടർ ജയേഷ് പരിപാടികൾക്ക് നേതൃത്വം നൽകി.
