കൊല്ലം: മുഖ്യമന്ത്രിയുടെ അകമ്പടി വന്ന ഫയർഫോഴ്സ് വണ്ടി നിയന്ത്രണം വിട്ടു തെരുവുവിളക്ക് ഇടിച്ചു തകർത്തു. പത്തനാപുരം കല്ലിക്കടവിൽ രാത്രി ഒമ്പതോടെയാണ് അപകടം നടന്നത്. പത്തനംതിട്ടയിൽ നിന്നുള്ള ഫയർഫോഴ്സ് വാഹനമാണ് അപകടത്തിൽപ്പെട്ടത്.
മുഖ്യമന്ത്രി ഇടുക്കിയിൽ നിന്ന് തിരുവനന്തപുരത്തേക്ക് പോകവേയാണ് സംഭവം. പരിക്കേറ്റ ജീവനക്കാരെ തൊട്ടടുത്ത ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല. മുഖ്യമന്ത്രി യാത്ര തുടർന്നു.
