Category: Global

കുവൈത്ത് സിറ്റി: ആണവ, റേഡിയോളജിക്കൽ സമ്പ്രദായങ്ങളുമായി ബന്ധപ്പെട്ട അടിയന്തര സാഹചര്യങ്ങളോട് വേഗത്തിലും ഫലപ്രദമായും പ്രതികരിക്കാനുള്ള ശേഷി വർധിപ്പിക്കുന്നതിന് അന്താരാഷ്ട്ര ആണവോർജ്ജ ഏജൻസിയുമായുള്ള സഹകരണത്തിൻ്റെ പ്രാധാന്യം വ്യക്തമാക്കി ഗൾഫ് സഹകരണ കൗൺസിലിൻ്റെ ജനറൽ സെക്രട്ടേറിയറ്റുമായി അഫിലിയേറ്റ് ചെയ്‌തിരിക്കുന്ന ജിസിസി എമർജൻസി മാനേജ്‌മെൻ്റ് സെന്‍റര്‍. ജിസിസി രാജ്യങ്ങൾ തമ്മിലുള്ള പരിശ്രമങ്ങളുടെ ഏകോപനവും അറിവും വൈദഗ്ധ്യവും കൈമാറ്റം ചെയ്യുന്നതിനായി കേന്ദ്രം കഠിനമായി പ്രയത്നിക്കുന്നുണ്ടെന്ന് സെൻ്റർ മേധാവി ബ്രിഗേഡിയർ ഡോ. റാഷിദ് അൽ മാരി പറഞ്ഞു. ഫലപ്രദവും സുസ്ഥിരവുമായ തന്ത്രങ്ങൾ സൃഷ്ടിക്കുന്ന മീറ്റിംഗുകൾ […]

ബെയ്‌റൂത്ത്: ലെബനനില്‍ ആക്രമണം കടുപ്പിച്ച് ഇസ്രയേല്‍. സെന്‍ട്രല്‍ ബെയ്‌റൂത്തില്‍ നടന്ന ആക്രമണത്തില്‍ 22 പേര്‍ കൊല്ലപ്പെട്ടു. 117 പേര്‍ക്ക് പരിക്കേറ്റു. വ്യാഴാഴ്ച അര്‍ദ്ധരാത്രിയോടെയാണ് ആക്രമണം നടന്നതെന്നാണ് റിപ്പോര്‍ട്ടുകള്‍. അപ്രതീക്ഷിതമായായിരുന്നു ആക്രമണം. നിരവധി കെട്ടിടങ്ങള്‍ തകര്‍ന്നുവീണു. ഹിസ്ബുള്ള നേതാക്കളെ ലക്ഷ്യമിട്ടായിരുന്നു ആക്രമണം നടന്നതെന്നാണ് വിവരം. തെക്കന്‍ ലെബനനില്‍ സ്ഥിതി ഗുരുതരമാണെന്ന് ഐക്യരാഷ്ട്രസഭാംഗങ്ങള്‍ പറഞ്ഞു. ദിവസങ്ങള്‍ക്ക് മുന്‍പ് ലെബനന്റെ തെക്കന്‍മേഖലയിലുണ്ടായ ആക്രമണത്തില്‍ പത്ത് അഗ്നിരക്ഷാ സേനാംഗങ്ങള്‍ കൊല്ലപ്പെട്ടിരുന്നു. ബരാഷീതിലെ അഗ്നിരക്ഷാസേനയുടെ കേന്ദ്രത്തിലായിരുന്നു ആക്രമണം നടന്നത്. തെക്കന്‍ ലെബനനിലെ പന്ത്രണ്ടിലേറെ ഗ്രാമങ്ങളിലുള്ളവരോട് […]

മിൽട്ടൺ കൊടുങ്കാറ്റ് അമേരിക്കൻ തീരത്തോടടുക്കുന്നു. പ്രാദേശിക സമയം ബുധനാഴ്ച രാത്രിയോടെ കൊടുങ്കാറ്റ് കരതൊടുമെന്നാണ് പ്രവചനം. മുന്നറിയിപ്പിന്റെ ഭാഗമായി ഫ്ലോറിഡയിൽ അടിയന്തരാവസ്ഥ പ്രഖ്യാപിച്ചു. കാറ്റഗറി 5ൽ ഉൾപ്പെടുത്തിയിരിക്കുന്ന കൊടുങ്കാറ്റ് ഉടൻ കര തൊടുമെന്ന മുന്നറിയിപ്പ് വന്നതിന് പിന്നാലെ ആയിരക്കണക്കിനാളുകൾ സുരക്ഷിത സ്ഥാനത്തേയ്ക്ക് മാറിക്കൊണ്ടിയിരിക്കുകയാണ്. 55 ലക്ഷം പേരെ ഇതുവരെ ഒഴിപ്പിച്ചതായാണ് സർക്കാർ അറിയിച്ചിരിക്കുന്നത്.

റിയാദ്: മലയാളി നഴ്സ് സൗദിയിൽ നിര്യാതയായി. തൃശൂർ നെല്ലായി വയലൂർ സ്വദേശിനി ഡെൽമയാണ് (26) മരിച്ചത്. ജോലിക്കിടെ ഹൃദയാഘാതമുണ്ടാകുകയും കുഴഞ്ഞുവീണ് മരിക്കുകയുമായിരുന്നു. മദീനയിലെ അൽമുവാസാത് ആശുപത്രിയിൽ സ്റ്റാഫ് നഴ്സായിരുന്നു ഡെൽമ. വെന്റിലേറ്ററിൽ പ്രവേശിപ്പിച്ചെങ്കിലും യുവതിയെ രക്ഷിക്കാനായില്ല. നിയമനടപടികൾ പൂർത്തിയാക്കി നാട്ടിലെത്തിച്ച് സംസ്കാരചടങ്ങുകൾ നടത്തും. ഇടശ്ശേരി ദിലീപിന്റെയും ലീന ദിലീപിന്റെയും മകളാണ്. ഡെന്ന ആന്റണിയാണ് സഹോദരി.