കാസര്‍കോട്: കാസര്‍കോട് അസിസ്റ്റന്റ് കലക്ടര്‍ സഞ്ചരിച്ച കാര്‍ മറിഞ്ഞു. അസിസ്റ്റന്റ് കലക്ടര്‍ കെ ദിലീപ്, ഗണ്‍മാന്‍ രഞ്ജിത്ത് എന്നിവര്‍ക്ക് പരിക്കേറ്റു.
കാസര്‍കോട് മേല്‍പ്പറമ്ബില്‍ ഇന്ന് വൈകിട്ട് 4.30നാണ് അപകടമുണ്ടായത്. ഇരുവരെയും കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.
ബാര വില്ലേജിലെ ഡിജിറ്റല്‍ സര്‍വേ പരിപാടിയില്‍ പങ്കെടുത്ത ശേഷം കാസര്‍കോട്ടേക്ക് മടങ്ങുമ്ബോള്‍ കാര്‍ നിയന്ത്രണംവിട്ട് മറിയുകയായിരുന്നു.
ദിലീപിന് തോളെല്ലിനും നടുവിനും ക്ഷതമേറ്റിട്ടുണ്ട്. വിദഗ്ധ ചികിത്സയ്ക്ക് സൗകര്യപ്രദമായ ആശുപത്രിയിലേക്ക് മാറ്റുമെന്ന് ആശുപത്രി സന്ദര്‍ശിച്ച കലക്ടര്‍ കെ ഇംബശേഖര്‍ പറഞ്ഞു.
