ഏറ്റുമാനൂർ: അധ:സ്ഥിതരുടെ അപ്പസ്തോലൻ ബ്രദർ റോക്കി പാലക്കലിന്റെ 76-ാം ചരമവാർഷികം വിവിധ പരിപാടികളോടെ ആചരിക്കും. ഏറ്റുമാനൂർ ബൈപാസിലുള്ള സമൃദ്ധി സ്‌റ്റോർ ഓഡിറ്റോറിയത്തിൽ നടക്കുന്ന ചടങ്ങിൽ ജനപ്രതിനിധികൾ, സാംസ്കാരിക നായകൻമാർ തുടങ്ങിയ പ്രമുഖർ പങ്കെടുക്കും. വിവിധ തലങ്ങളിൽ വ്യക്‌തി മുദ്ര പതിപ്പിച്ച പ്രതിഭകളെ ചടങ്ങിൽ ആദരിക്കും.
ബ്രദർ റോക്കി പാലക്കൽ ചാരിറ്റബിൾ ട്രസ്റ്റ് ചെയർമാനും മാധ്യമ പ്രവർത്തകനുമായ ആർട്സൺ പൊതി രചിച്ച ബ്രദർ റോക്കി പാലക്കൽ ഭാഗ്യപ്പെട്ട സഹോദരൻ എന്ന പുസ്തകത്തെ ആധാരമാക്കി തമ്പി ചേർത്തല തിരക്കഥ രചിച്ച ബ്രദർ റോക്കിയുടെ ജീവിതം എന്ന ടെലിഫിലിമിന്റെ ചിത്രീകരണോൽഘാടനവും നടക്കും. ട്രസ്റ്റ് ഭാരവാഹികളായ പി കെ ജോയി, ഷിബു, തുടങ്ങിയവർ നേതൃത്വം നൽകും.
