കുവൈറ്റ്: കുവൈറ്റില്‍ പെണ്‍കുട്ടിയുടെ സ്വകാര്യ ചിത്രങ്ങൾ ഉപയോഗിച്ച് ബ്ലാക്ക് മെയില്‍ ചെയ്ത ഫോൺ കടയിലെ പ്രവാസി തൊഴിലാളിക്ക് തടവ് ശിക്ഷവിധിച്ചു. യൂനിവേഴ്‌സിറ്റി വിദ്യാർഥിനി ഫോൺ ശരിയാക്കുന്നതിനായി നൽകിയ ഫോണിൽനിന്ന് ഷോപ്പിലെ ടെക്നീഷ്യൻ സ്വകാര്യ ചിത്രങ്ങൾ എടുക്കുകയായിരുന്നു.
പിന്നീട് ഈ ചിത്രങ്ങൾ ഉപയോഗിച്ച് വിദ്യാർഥിയെ സമ്മർദത്തിലാക്കി. പണം നൽകിയില്ലെങ്കിൽ പ്രസിദ്ധീകരിക്കുമെന്ന് ഭീഷണിപ്പെടുത്തി.
തുടക്കത്തിൽ വിദ്യാർഥിനി പണം നൽകിയെങ്കിലും ആവശ്യം തുടരുകയും ഇതോടെ പൊലീസിനെ ബന്ധപ്പെടുകയും നിയമനടപടി സ്വീകരിക്കുകയുമായിരുന്നു എന്ന് പ്രാദേശിക മാധ്യമങ്ങൾ റിപ്പോർട്ടു ചെയ്തു.
പ്രതിയെ രണ്ട് വർഷത്തെ തടവിനാണ് ശിക്ഷിച്ചത് എന്നാണ് റിപ്പോർട്ട്‌ . ശിക്ഷാകാലാവധി കഴിഞ്ഞാൽ പ്രവാസിയെ നാടുകടത്തുമെന്നും റിപ്പോർട്ട്‌
