കോണ്‍ഗ്രസിന് വര്‍ഗ്ഗീയതയ്‌ക്കെതിരെ ശക്തമായ നിലപാടില്ലെന്ന് മുഖ്യമന്ത്രി പിണറായി വിജയന്‍. എല്ലായ്‌പ്പോഴും കോണ്‍ഗ്രസിന് സംഘപരിവാര്‍ മനസാണെന്നും കോണ്‍ഗ്രസും ബിജെപിയും തമ്മില്‍ ഒരു വ്യത്യാസവുമില്ലെന്നും മുഖ്യമന്ത്രി പറഞ്ഞു. യുഡിഎഫ് എംപിമാര്‍ ബി ജെപിക്ക് നീരസമുള്ള ഒരു കാര്യവും ചെയ്യില്ലെന്നും മുഖ്യമന്ത്രി കൂട്ടിച്ചേര്‍ത്തു.
തെരഞ്ഞെടുപ്പ് കമ്മീഷന്റെ സ്വതന്ത്ര സ്വഭാവത്തോട് ബിജെപിക്ക് താത്പര്യമില്ല. തെരഞ്ഞെടുപ്പ് കമ്മീഷനെ തീരുമാനിക്കുന്ന കമ്മറ്റിയില്‍ നിന്നും ചീഫ് ജസ്റ്റിസിനെ ഒഴിവാക്കി. ബിജെപി ഇതര സര്‍ക്കാരുള്ള 4 സംസ്ഥാനങ്ങളില്‍ കേന്ദ്ര ഏജന്‍സികള്‍ റെയ്ഡ് നടത്തി. പ്രതിപക്ഷ നേതൃനിരയിലുള്ളവരെ ലക്ഷ്യം വച്ചാണ് റെയ്‌ഡെന്നും മുഖ്യമന്ത്രി വ്യക്തമാക്കി.
